Wedi’i lleoli ar arfordir gogleddol Cymru, mae Abergele yn gyfystyr â’r traethau tywodlyd hir sy’n amgylchynu ei harfordir. Dros lawer o flynyddoedd, mae wedi dod yn gyflym yn un o’r trefi glan môr mwyaf poblogaidd yng Ngogledd Cymru. Gyda’i swyn cynhenid a hynafol a’i darnau llydan o draethau, mae’n hawdd gweld pam mae hwn yn ffefryn gan lawer o bobl.
Mae llawer yn heidio i’r fan bob un flwyddyn, am ei lleoliad hwylus i archwilio’r cestyll, y traethau a’r coetiroedd yn yr ardal leol.
Yn fwy diweddar, bu’n gartref i raglen ‘I’m A Celebrity: Get Me Out of Here’ gan ITV, pan gynhaliwyd y sioe dros dro yng Nghastell Gwrych oherwydd cyfyngiadau teithio.
Trosolwg o Abergele
Yn ystod y tymor allfrig, mae’r dref a’r ardaloedd cyfagos yn parhau’n dawel ac yn heddychlon trwy’r flwyddyn. Mae rheswm pam fod y tymor brig yn brysur flwyddyn ar ôl blwyddyn. Dyma rai o’n hamhellion ar gyfer y pethau gorau i’w gwneud i hen ac ifanc yn Abergele.
Pethau I’w Gwneud Yn Abergele
O weithgareddau egnïol fel beicio i brofi henebion hanesyddol – mae digon yn digwydd yn Abergele i’ch bodloni. Ar ôl teithio ac ymweld â Abergele ar sawl achlysur, dyma fy mhrif ddewisiadau.
Llwybr Beicio Abergele i Sain Siôr
Os mai darganfod y safleoedd lleol ar ddwy olwyn yw eich dewis, dyma’r gweithgaredd i chi. Gyda chyfanswm o 20km, gall fod yn hir ond mae’n un o’r ffyrdd gorau o weld yr ardal leol. Mae’r dirwedd yn amrywiol gyda rhannau mwy gwastad a hawdd, i dir coetir mwy garw a chaled. Dyma’r llwybr perffaith i’w wneud ar ddiwrnod clir cynhesach a throi’n ôl i’r pentref i ail-lenwi mewn bwyty neu dafarn leol.
Pysgodfa Brithyll Tan-y-Mynydd
Yn berffaith i hen ac ifanc, mae’r bysgodfa hon yn ffordd mor heddychlon o dreulio diwrnod. Ystyr yr enw ‘Tan-y-Mynydd’ yw ‘under the mountain’. Mae’r ardal gyfagos yn cael ei gofalu amdani’n ofalus ac wedi’i hamgylchynu gan gefn gwlad tawel Gogledd Cymru. Mae rhai pyllau yn berffaith i ddechreuwyr a phobl lai sy’n rhoi cynnig ar bysgota, ac eraill wedi’u neilltuo ar gyfer pysgotwyr pluen mwy profiadol.
Amgueddfa Sir Henry Jones
Stop poblogaidd arall yw cartref plentyndod Sir Henry Jones, ffigwr dylanwadol yn y systemau addysg yng Nghymru. Mae’r amgueddfa hefyd yn rhoi cipolwg ar fywyd traddodiadol Cymreig ac yn dilyn ei frwydr dros addysg. Mae’n dangos dechreuadau gwylaidd ffigwr dylanwadol.
Castell Gwrych
Er bod y lle hwn yn adnabyddus yn yr ardal cyn ei ymddangosiad ar y teledu, mae Castell Gwrych yn sefyll yn stoicaidd uwchben y dirwedd Gymreig o’i amgylch. Yn iasol ond eto’n ddiddorol, mae wedi denu twristiaid sy’n ymweld â rhanbarth Abergele ers amser maith. P’un a ydych chi’n ‘fanatik’ hanes neu ddim ond eisiau busnesu o gwmpas cefndir ‘I’m A Celeb’, mae’n parhau i fod yn lle y mae’n rhaid ymweld ag ef i lawer o dwristiaid.
Traeth Pensarn
Mae traeth Pensarn yn draeth graean pitwresg sy’n berffaith am dro tawel. Mae rhan o’r traeth hir hwn yn cael ei chydnabod fel ‘SoDdGA’. Mae’n Safle o Ddiddordeb Gwyddonol Arbennig (SoDdGA), am y boncyn graean llysieuol a’i fflora arbennig o amrywiol sy’n lleol i’r traeth. Mae’r traeth yn gyfochrog â Llwybr Gogledd Cymru ac yn ffefryn rheolaidd i feicwyr sy’n archwilio o’r dwyrain i’r gorllewin i lawr yr arfordir.
Clwb Golff Abergele
Wedi’i osod o gwmpas tir golygfaol Castell Gwrych, mae gan y cwrs parcdir hwn olygfeydd dros y castell a’r arfordir. Gyda llu o gyfleusterau ar y safle, mae’r clwb golff hwn yn lle y mae’n rhaid ymweld ag ef i unrhyw selogion golff sydd ar ymweliad.
Sut Brofiad Yw Byw Yn Abergele?
Mae llawer yn dweud bod byw yn Abergele yn guddfan dawel ond golygfaol. I ffwrdd o’r ras lygod ac unrhyw brysurdeb a geir mewn bywyd dinesig, mae’n ddihangfa heddychlon i lawer. Mae ei lleoliad canolog yng Ngogledd Cymru yn golygu bod teithio i ddinasoedd lleol ac ardaloedd mynyddig eraill o fewn cyrraedd hawdd. Ond yn gyffredinol, mae Abergele yn hafan olygfaol i’r rhai sy’n byw yno ac yn profi ei harddwch naturiol yn ddyddiol.